ತಿರುವನಂತಪುರಂ: ಪೋರ್ನ್ ವಿಡಿಯೋದಲ್ಲಿ ಮಹಿಳೆಯ ಮುಖ ರೆಮ್ಯಾ ಸುರೇಶ್ ರೀತಿ ಕಾಣುವಂತೆ ಎಡಿಟ್ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡಲಾಗಿದೆ.
ಅದರ ವೀಡಿಯೋ ಈಗ ವೈರಲ್ ಆದ ಬೆನ್ನಲ್ಲೇ, ನಕಲಿ ಪೋರ್ನ್ ವೀಡಿಯೊ ವಿರುದ್ಧ ನಟಿ ರೆಮ್ಯಾ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಘಟನೆ ಸಂಬಂಧ ಆಲಪ್ಪುಳ ಪೊಲೀಸ್ ವರಿಷ್ಠಾಧಿಕಾರಿಗೆ ಮತ್ತು ಸೈಬರ್ ಕ್ರೈಂಗೆ ರೆಮ್ಯಾ ದೂರು ನೀಡಿದ್ದಾರೆ.
ಆ ವಿಡಿಯೋದಲ್ಲಿ ಕಾಣುವ ಮಹಿಳೆಯು ರಮ್ಯಾ ಅವರಂತೆ ಕಾಣುತ್ತಿದ್ದಾರೆ. ಆದ್ರೆ ಆ ವಿಡಿಯೋವನ್ನು ಹತ್ತಿರದಿಂದ ಅವಲೋಕಿಸಿದರೆ ಅದು ಎಡಿಟ್ ಮಾಡಿರುವುದು ಸ್ಪಷ್ಟವಾಗಿ ಗೋಚರಿಸುತ್ತಿದೆ.
ಈ ಬಗ್ಗೆ ಕೇರಳದ ಪ್ರಮುಖ ಸುದ್ದಿ ಸಂಸ್ಥೆಯೊಂದಿಗೆ ಮಾತನಾಡಿದ ನಟಿ ರಮ್ಯ ಸುರೇಶ್ ಅವರು, ” ಈ ವಿಡಿಯೋ ನೋಡಿದ ಅಷ್ಟು ಜನರನ್ನು ನಾನು ಸಂಪರ್ಕಿಸಿ ಅವರಿಗೆ ಈ ವಿಡಿಯೋದಲ್ಲಿ ಇರುವುದು ನಾನಲ್ಲ ಎಂದು ಹೇಗೆ ಹೇಳಲಿ ?! ” ಎಂದು ಪ್ರಶ್ನಿಸಿದ್ದಾರೆ. ಅಲ್ಲದೆ ಕಿಡಿಗೇಡಿಗಳ ಈ ದುಷ್ಕೃತ್ಯ ನನ್ನ ಒಟ್ಟಾರೆ ನೆಮ್ಮದಿಯನ್ನು ಹಾಳು ಮಾಡಿದೆ ಎಂದು ನೋವು ತೋಡಿಕೊಂಡಿದ್ದಾರೆ.
ಅಧಿಕಾರಿಗಳು ದೂರನ್ನು ಸ್ವೀಕರಿಸಿ, ತನಿಖೆ ಆರಂಭಿಸಿದ್ದು, ವಾಟ್ಸ್ಆಯಪ್ ಗ್ರೂಪ್ ಡೇಟಾವನ್ನು ತಕ್ಷಣ ಕಲೆಹಾಕಿದ್ದಾರೆ ಎಂದು ರೆಮ್ಯಾ ಹೇಳಿದ್ದಾರೆ
